https://tezisi.ge/ ახალი ამბები - TEZISI.GE თეზისი true https://tezisi.ge/17-arsenalshixvicha.html admin ახალი ამბები,სპორტი Sat, 28 Mar 2026 19:36:32 +0400

"არსენალში" ხვიჩა კვარაცხელიას შესაძლო ტრანსფერზე კიდევ ერთმა ცნობილმა ჟურნალისტმა ისაუბრა

"არსენალში" ხვიჩა კვარაცხელიას შესაძლო ტრანსფერზე კიდევ ერთმა ცნობილმა ჟურნალისტმა ისაუბრა იტალიელმა ნიკოლა სკირამ ისაუბრა.

მისი კოლეგების მსგავსად, სკირამაც თქვა, რომ პარიზული გრანდიდან ჩვენებურის აბარგება პრაქტიკულად გამორიცხული ამბავია, რადგან "პარკ დე ფრანსზე" მას უმნიშვნელოვანეს ფეხბურთელად თვლიან.

შეხსენებისთვის, რამდენიმე დღის წინ მსგავი ინფორმაცია ფაბრიციო რომანომაც გაავრცელა. გუშინ კი პოპულარულმა ბრიტანულმა გამოცემა Daily Mail-მა დაწერა, რომ პსჟ-იდან წასვლა არც კვარაცხელიას სურს და მის გასხვისებას გუნდიც არ აპირებს.

]]> true https://tezisi.ge/16-29-marti-sioni-ilia-2.html admin ახალი ამბები,რელიგია Sat, 28 Mar 2026 19:08:14 +0400

29 მარტს სიონის ტაძარში მეუფე შიო წირვას აღასრულებს, რის შემდეგაც კათოლიკოს-პატრიარქ ილია მეორის სულის მოსახსენებელი პანაშვიდი შესრულდება

29 მარტს საპატრიარქო ტახტის მოსაყდრე, მეუფე შიო წირვას სიონის საპატრიარქო ტაძარში აღასრულებს, რის შემდეგაც კათოლიკოს-პატრიარქ ილია მეორის სულის მოსახსენებელი პანაშვიდი შესრულდება.

„ამა წლის 29 მარტს, 10:00 საათზე საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) წირვას აღასრულებს სიონის საპატრიარქო ტაძარში.

წირვის შემდეგ შესრულდება სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის სულის მოსახსენიებელი პანაშვიდი“.

]]> true https://tezisi.ge/4-40dgeilia2.html admin რელიგია,ახალი ამბები Fri, 27 Mar 2026 16:36:30 +0400

40 დღის განმავლობაში ილია II-ის საფლავზე პანაშვიდები აღესრულება

საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) ლოცვა-კურთხევით, დღეიდან ყოველდღე, 40 დღის განმავლობაში, თბილისის სიონის საპატრიარქო ტაძარში, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ ილია II-ის საფლავზე სასულიერო პირები მისი უწმინდესობის სულის საოხად დაიწყებენ პანაშვიდის გადახდას მგალობლების თანხლებით.

მრევლს ტაძარში შესვლა და პატრიარქის საფლავისთვის პატივის მიგება შეეძლება ყოველდღე, 08:00-დან 22:00 საათამდე.

ტაძარში ყოველდღიურად აღესრულება ღვთისმსახურება. ამის გათვალისწინებით, სასულიერო პირების მიერ პანაშვიდი 11:00-დან 16:00-მდე და 18:00-დან 22:00 საათამდე განუწყვეტლივ აღევლინება.

]]>